تغريد العصــآإفير

على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه


على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه


يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه


أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه


أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه


تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته


رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه


تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه


قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع الـي لأجلـك أفنيتـه


من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه


وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه


دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه


إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه


يذكرني صباح الورد , وإسمـك , والحـلا والـذوق
وأردد يا ( أجمـل أحلامـي ) بقافـي يـوم هليته



صباح الورد يا خلي يلامس وجنة المشتاق
صباح الشوق لاهل الشوق كل الشوق يهنا بك


صباحك يا خويّ العطر تتعطر معاه أعناق
تهل بطبعك الرايق ومن ريقك حلا اصباحك


صباح يصحي اللهفة وقبل الفجر هل اشراق
ضيا وجهك يصحيني واعرف ان الفجر زارك


بهمسات الغلا تهمس تحاكي خاطرن تواق
تلامس خافقي بكلمة أحبك تفضح أسرارك


تناديني بعذب الصوت يا؟؟؟؟ حبيبك فاق
علامك يا ربيع العمر مختبية بأحلامك


وانا ما بين همساتك اخبي داخلي لشواق
عليك اتغنج بطبعي احب اجنن احساسك


ولكنك تعرف الي يذوبني وكيف انساق
تجي وتقول يا عمري حبيبك حيل محتاجك


أفز ولهفتي لاجلك ولحضانك اجي بعناق
اذوب بشوق يغمرني تلحفني بأنفاسك


حبيبي يا حلو اصباحك بقربك كل شي راق
أبيك بفجرك وليلك يَزين الوقت لا جابك


صباح الخير..ياكل الخير..ياللي صباحكم غير

~~ صباح الخير ياوالدي ~~

صباح المسك والكادي..لتحيّتك أرفع الأيادي

~~ صباح الخير يا أمّي~~

صباح يشتّت أحزاني وهمّي..لأوامرك وطلباتك أقول سمّي

~~ صباح الخير يا جاري ~~

ياللي دارك قريبه من داري..ياليت على أسرار بعض نداري

~~ صباح الخير يا طالب العلم~~

ياللي تتعب لتحقيق الحلم

~~ صباح الخير يا عامل~~

تتعب وتشقى بس ماتماطل..تنهي أعمالك بدون تخاذل

~~صباح الخير يا دكتور~~

نهدي لك أحلى زهور.. وأنت بعد الله تهدي للمرضى

الشفاء والسرور

~~ صباح الخير يا أستاذ~~

ياللي نلقى فيك من الجهل ملاذ

~~صباح الخير يا إمام~~

صوت أذانك يصدح بالغمام..وبكلامك ومواعظك تزيل الأوهام

~~صباح الخير يا كاتب~~

ياللي قلمك ينتقد ويعاتب

~~صباح الخير يا مُذيع~~

بالخبر أوّل بأوّل لازم تذيع..خلّ الصدق عنوانك أمام الجميع

~~صباح الخير يا لاعب~~

يا صاحب الأهداف الحلوه والمشاغب..

ياليت ترفع أسم بلدنا في كل الملاعب

~~ صباح الخير ياشاعر~~

ياللي تكتب مافي قلوبنا والمشاعر..



و ~~~~~~ صباح الخير للكل

~~~~~~ صباح أحلى من الفل

~صباح الخير ياكل الخير~~~~~~

~~ياللي صباحكم غير ~~~~~~~

صباح الورد لكم جميعاً اعضاء همس المحبه